I woaß net und mir is wurscht
1.
In Mathe is heid wieda soweit,
für’d Hausaufgab wa hoid koa Zeit.
Da Lehrer spuid mit Defiziten,
er rennt zu mir her mit festn Schrittn:
„He, Deandl, wos soi aus dir a moi wern?“
Hör i eam bedrohlich auf mi niedaplerrn.
Und i sog:
I woaß ned und mia is wurscht.
Hob i Hunga und hob i Durscht.
I woaß ned und mia is wurscht.
Hob i Hunga und hob i Durscht.
I woaß ned und mia is wurscht.
2.
Sie steht vor mir in voller Blüte
und mir stehts a, oh meine Güte.
Sie zwinkert, funkelt, sie is hoaß auf mi,
sie flüstert ganz zärtlich: „Jetz wui i di!“
Ihr Blick wandert zur Schlofzimmadia.
„Auf geht’s. Pack mas,“ sogd sie zu mir.
3.
A Anruf vo da Gewinnausschüttung.
10000 Euro warn im Jackpot drin.
I kenn de Lösung, sie is eh ganz leicht.
I brauchs grod song und scho war i reich.
„Ihre Antwort bitte!“ hör i de Stimme song.
Geh loss ma mein Ruah, dua ebban andan frong.
4.
Jatz bin i gstorbn mei Lebn is vorbei.
I steh vorm Himme aber dearf ned nei.
Da Jesus is do, mia is ganz anders.
I mecht wieda zruck i wa gern woandas.
Reuig sog i eam meine Sündn und Fehler.
Gütig hebt er d’Händ und lächelt zu mia her.
Er sogt:
I woaß ja eh, aber aus und vorbei.
Deine ganzn Sündn i dir ja eh verzeih.
Aber sog bitte nimma:
I woaß ned und mia is wurscht.
Hob i Hunga und hob i Durscht.
I woaß ned und mia is wurscht.
Hob i Hunga und hob i Durscht.
I woaß ned und mia is wurscht.
