Mann nebst Kleinkind
Mit am Kind an da Hand, do kannst di kaum rettn
von der Schiachn und de Schena, de Bledn und de Nettn
Mit am Kind an da Hand, do geht`s um di o
a Lächln kriagts do Ollawei, a Flirt geht sowieso
1.
Mei Gloana wui am Spuiplatz auf de Rutschn nauf
er saust dann ganz wuid obi und schlogt se 2 Zähn aus
Natürlich drenzt er sakrisch und i nimm na an da Hand
bewundernd schaun de Frauen auf mi ganz gebannt
Kehrvers
2.
Im Schwimmbadbabybeckn is heid da Deifi los
de Kinda werkan umanand, wos doan de Mamas bloß
De is ja fast unglaublich, des derf doch ned sei
olle grinsn fesch zu mir her , jede wui de Erste sei
Kehrvers
3.
Mir mechtma uns a Haus baun und brauchan an Kredit
Heid geh i zur Bank nei, de Gloane der muaß mit
Und wie i`s mir erhofft hob: Der Bänker is a Frau
des de Verhandlung guad wird, des woaß i scho genau
Kehrvers
4.
De ganze Sach de hod fei einen Hacken bloß
de Kinda bleim ned winzig, se wachsn und wern groß
Hoffentlich werd i ein fescher Opapa
damit des Liad no Sinn macht, a no in 50 Jahr
Kehrvers
